2017 წლის 18 ოქტომბერს, ყვარელის რაიონის სოფელ შილდაში 24 წლის ქალი გამოესალმა სიცოცხლეს - ის საკუთარ სახლში იპოვეს ჩამომხრჩვალი. ქალი შიშველი ეკიდა თოკზე. პროკურორმა საქმის წარმოება თვითმკვლელობამდე მიყვანის მუხლით მოითხოვა. გარდაცვალების შესახებ ზუსტი გარემოებები უცნობია. გამოძიება კვლავაც მიმდინარეობს.

ოთხი შვილის დედა, 39 წლის მირანდა (თათია) ვაჩეიშვილი, ყოფილმა ქმარმა 2017 წლის 25 აპრილს რკინის მავთულით გაგუდა. ერთდღიანი ძებნის შემდეგ, ქალის ცხედარს მამამთილის სახლში მიაკვლიეს. სასამართლოს დოკუმენტების მიხედვით, 42 წლის გიორგი ჯანაშვილმა ყოფილი ცოლი ეჭვიანობის ნიადაგზე მოკლა.

2018 წლის 13 აპრილს 25 წლის თამარ გამრეკელაშვილს ყელი საკუთარი მცირეწლოვანი შვილების თანდასწრებით გამოჭრეს. თბილისში, ბარნოვის ქუჩის 77 ნომერში საცხოვრებელ სახლში მეზობლები ბავშვების განწირული ყვირილის შემდეგ შევიდნენ და გოგონას ცხედარი აღმოაჩინეს.1993 წელს დაბადებულ ახალგაზრდას ყელის არეში ცივი იარაღით რამდენიმე სასიკვდილო ჭრილობა ჰქონდა მიყენებული. სავარაუდო მკვლელი 46 წლის ვეფხვია ბ. მოკლულის ყოფილი მამინაცვალია. ის დაცვის პოლიციაში რამდენიმე წლის განმავლბაში მუშაობდა. ორჯერ არის ნასამართლევი.დანაშაულის ჩადენის შემდეგ მკვლელი, სავარაუდოდ, ბინაში მივიდა, ტანსაცმელი გამოიცვალა და მიიმალა.

21 წლის ანა ნაცვლიშვილის ცხედარი, 22 თებერვალს გამთენიას, მამამ რამდენიმე საათიანი ძებნის შემდეგ იპოვა.  ანას ოჯახის წევრებთან ერთად ეძებდა მისი მეგობარი ლადო გრიგალაშვილიც, რომელსაც პოლიციამ ანას მკვლელობისთვის ბრალი  დღის ბოლოს წარუდგინა. ოჯახმა იცოდა, რომ ანა სახლიდან გრიგალაშვილის ზარის შემდეგ მისი მოთხოვნით გავიდა. ლადოს ქალიშვილის ძებნაში დახმარებაც ამიტომ სთხოვეს. ახალგაზრდა ქალის საცლიდან 200 ოდე მეტრის მოშორებით, მიტივებულ ავტოსადგომებთან მიაგნეს ანას  ცხედარს, მზე რომ ამოვიდა შემდეგ. ქალს ყელი ჰქონდა გამიჭრილი. მკვლელობის ადგილიდან ექსპერტ კრიმინალიტებმა, სისხლისა და დეენემის კვალთან ერთად მიაგნეს ავტომანქანის საბურავების კვალსაც. წინასწარი გამოძიებით დგინდებოდა, რომ გრიგალაშვილი მკვლელიბის ადგილზე მანქანით მივიდა და ტერიტორია  სწრაფი სიჩქარით დატოვა. ამ საეჭვო გარემოებებისა და მოკლული ქალის ოჯაცის წევრების ჩვენებების საფუძველზე, გრიგალაშვილი პოლიციის განყოფილებაში დაიბარეს. დღის ბოლოს მან ბრალი აღიარა. ოფიციალურმა უწყებამ მოტივად შურისძიება დაასახელა.

სოფელ ბოდორნასთან, ხევში ახალგაზრდა ცოლ-ქმრის ცხედრები მწყემსმა 2018 წლის 15 თებერვალს გამთენიას იპოვა. 

ნინო ჯავახიშვილის ცხედარი გზის პირას მდგარ ავტომანქანაში, მამაკაცი კი ხეზე იყო ჩამომხჩვალი. ქალს ძალადობის კვალი ყელზე აღენიშნებიდა. გამოძიების ინფორმაციით, ის სავარაუდოდ გაგუდეს. საქმეში წერია, რომ ქალს სასიკვდილო დაზიანებები ქმარმა მიაყენა და შემდეგ თავი მოიკლა.

2016 წლის 30 ოქტომბერს, სოფელ ქაბალაში, რომელიც აზერბაიჯანის დედაქალაქ ბაქოდან ოთხსაათიან სამანქანო გზაზე მდებარეობს, საბინა ვერდიიევა საკუთარ სახლში მოკლეს. მკვლელობიდან რამდენიმე საათში საბინას მეუღლე, ხაიალ ვერდიიევი ეჭვმიტანილის სტატუსით დააკავეს. საბინას მეზობლებისა და ნათესავების მტკიცებით, მოკლულ ქალს თავის უბანში, ქაბალას ამ პატარა ქურთულ დასახლებაში, ყველა იცნობდა, როგორც სერიოზულ, ჩუმ და მშვიდ ადამიანს.

2013 წლის 23 მაისს,  ტრეფიკინგის მსხვერპლი  ორმა მამაკაცმა, თავში ქვის ჩარტყმით მოკლა. გვამი გადამალეს და მისი ნივთები დაწვეს.  29 წლის ქალის მკვლელობა, მამაკაცებს ეროვნებით უზბეკმა ბარგიზბეგიმ რახმანოვამ შეუკვეთა, რადგან მსხვერპლი  მეძავად მუშაობაზე უარს ამბობდა. 2013 წელს რახმანოვა უზბეკეთში გაემგზავრა.  ბათუმის სასამრთლომ ის დამნაშავედ სცნო და დაუსწრებლად სამუდამო პატიმრობა შეუფარდა, თუმცა ის დღესაც თავისუფალია

ხანუმ ჯეირანოვა აზერბაიჯანული ეროვნების საქართველოს მოქალაქე იყო. ის საქართველოში დაიბადა და მთელი ცხოვრება აქ გაატარა, კახეთის ერთ-ერთ რაიონში. 2014 წლის 18 სექტემბერს, ხანუმმა თავი მოიკლა, ის ჩამომხრჩვალი იპოვეს. ხანუმი 30 წლის იყო. ის ოჯახის ღირსების აღდგენას ემსხვერპლა. ხანუმ ჯეირანოვას ბრალი ღალატში ედებოდა. მეუღლის ნათესავები პირში აგინებდნენ და ცემდნენ კიდეც ქალს. ერთ დღეს ყველანი ერთად შეიკრიბნენ და ხანუმს განკითხვა მოუწყვეს. ეს მოხდა სოფელ ლამბალოს ცენტრში. ტრადიციის მიხედვით, იმ დღის შემდეგ, აღარავინ უნდა დალაპარაკებოდა მას. ხანუმს ჩამოერთვა უფლება, წასულიყო ბაზარში, დასწრებოდა მშობელთა კრებას სკოლაში, ვინმეს ქორწილს, სულ უბრალოდ - გასულიყო სასაფლაოზე. ანუ ტრადიციის მიხედვითვე, ხანუმის ცხოვრება ამ განკითხვის რიტუალის შემდეგ, იქვე დამთავრდა - სოფლის ცენტრში. სოფლის მაცხოვრებლებს სჯერათ, რომ თუ ადამიანი ამ დროს თავს მოიკლავს, ესე იგი, საკუთარ შეცდომებს ხედავს და სინანულსაც გრძნობს. მან თავი მოიკლა.