„ქალთა მიმართ ძალადობის მონიტორინგის“ პროექტის ფარგლებში, რომელიც ევროკავშირის მხარდაჭერით და დაფინანსებით ხორციელდება, სვანეთში, ბეჩოში, 2018 წლის 19 აგვისტოს, სასტუმრო “გრანდ ოტელ უშბაში” საქართველოს საზოგადოებრივ საქმეთა ინსტიტუტის წარმომადგენლებმა პროექტის ვებ-პორტალის პრეზენტაცია და ადგილობრივ მოსახლეობასთან შეხვედრა-დისკუსია გამართეს.
შეხვედრას ესწრებოდა ადგილობრივი მოსახლეობა, მათ შორის მედიის, თვითმმართველობის და პოლიციის წარმომადგენლები. 
სტუმრებს ქალთა მიმართ ძალადობის საკითხების განხილვისა და საკუთარი გამოცდილების გაზიარების საშუალება მიეცათ.